୬୪ତମ ଶରଣକୁଳ ସର୍ବଭାରତୀୟ ଫୁଟବଲ ଟୁର୍ଣ୍ଣାମେଣ୍ଟ ଉଦଘାଟିତ। @pratibadkhabar

( ଟାଇ ବ୍ରେକରରେ ସେଞ୍ଚୁରିଆନ ଦଳ ବିଜୟୀ)
ଓଡ଼ଗାଁ,୧୬।୧୧(ଅନୁପମ ମିଡ଼ିଆ): ପ୍ରତିବର୍ଷ ଭଳି ଚଳିତ ବର୍ଷ ନୟାଗଡ଼ ଜିଲ୍ଲାର ସର୍ବ ପୁରାତନ ଲଡ଼ୁକେଶ ଆଥଲେଟିକ ଆସୋସିଏସନ, ଶରଣକୁଳର ୬୪ତମ ସର୍ବଭାରତୀୟ ଫୁଟବଲ ଟୁଣ୍ଣାର୍ମେଣ୍ଟ ରବିବାର ଉଦଘାଟିତ ହୋଇଯାଇଛି।ପ୍ରଥମେ ଲଡ଼ୁବାବାଙ୍କ ମନ୍ଦିରରୁ ମଶାଲ ଶୋଭାଯାତ୍ରାରେ ବାହାରି ନାରାୟଣ ହାଇସ୍କୁଲ ପଡ଼ିଆର ଚତୁଃପାର୍ଶ୍ଵ ଦେଇ ମଞ୍ଚରେ ପହଞ୍ଚିବା ପରେ ଆସୋସିଏସନର ସଭାପତି ସତ୍ୟ ନାରାୟଣ ପ୍ରଧାନ ପ୍ରଥମେ କ୍ରୀଡ଼ା ପତାକା ଉତ୍ତୋଳନ କରିବା ପରେ ପ୍ରଦୀପ ପ୍ରଜ୍ଜ୍ୱଳନ କରି ଟୁର୍ଣ୍ଣାମେଣ୍ଟକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ। ଉଦ୍‌ଘାଟନ ଦିବସ ଗ୍ରୁପ ଏ’ର ଖେଳରେ ସେଞ୍ଚୁରିଆନ ୟୁନିଭରର୍ସିଟି, ଆଫ୍ରିକା ଏକାଦଶ ବନାମ ଉତ୍କଳ ସ୍ପୋର୍ଟିଂ, ଜଟଣୀ ମଧ୍ୟରେ ଅନୁଷ୍ଠିତ ହୋଇଥିଲା।
ଖେଳରେ ସେଞ୍ଚୁରିଆନ ଦଳ ଟାଇବ୍ରେକରରେ ୫-୩ଗୋଲରେ ବିଜୟ ହାସଲ କରିଥିଲା। ପ୍ରଥମାର୍ଦ୍ଧର ଖେଳ ସଂଘର୍ଷ ପୂର୍ଣ୍ଣ ଥିଲା ବେଳେ ୨୧ତମ ମିନିଟରେ ଉତ୍କଳ ସ୍ପୋଟିଙ୍ଗର ୧୦ ନଂ ଖେଳାଳି ଚିଣ୍ଟୁ ସାମଲଙ୍କ ଗୋଲରେ ଦଳ ୧-୦ରେ ଆଗୁଆ ଥିଲା। ଦ୍ୱିତୀୟ।ର୍ଦ୍ଧର ଖେଳର ୧ମିନିଟ ପରେ ସେଞ୍ଚୁରିଆନ ୟୁନିଭରର୍ସିଟିର ୭ନଂ ଜର୍ସି ଖେଳାଳି ଅମିନୁଙ୍କ ଗୋଲରେ ଦଳ ସମାନ ସ୍ଥିତିକୁ ଆସିଥିଲା। ପରେ ଖେଳର ୩୮ତମ ମିନିଟରେ ଜଟଣୀର     ୧୦ନଂ ଜର୍ସି  ଚିଣ୍ଟୁ ସାମଲଙ୍କ ପୁଣି ଏକ ଗୋଲ ବଳରେ ଦଳ ୨-୧ରେ ଆଗୁଆ ରହିଥିଲାବେଳେ ଖେଳର ଶେଷ ମିନିଟରେ ଚେଞ୍ଚୁରିଆନର ୭ନଂ ଜର୍ସି ଖେଳାଳି ଅମିନୁଙ୍କ ପୁଣି ଏକ ଗୋଲ ଦେଇ  ୨-୨ରେ  ଖେଳ ବରାବର ସ୍ଥିତି କୁ ଆସିଯାଇଥିଲା।ପରେ  ଟାଇବ୍ରେକରରେ ଚେଞ୍ଚୁରିଆନ ଦଳ ୫-୩ ଗୋଲରେ ବିଜୟୀ ଲାଭ କରିଥିଲା। ସଭାପତି ସର୍ବଶ୍ରେଷ୍ଠ ଖେଳାଳି ଭାବେ ଜଟଣୀର ଚିଣ୍ଟୁ ସାମଲ ଏବଂ ସେଞ୍ଚୁରିଆନର ଅମିନୁଙ୍କୁ  ଏକ ହଜାର ଟଙ୍କା ଓ ଏକ ଟ୍ରଫି ପ୍ରଦାନ କରିଥିଲେ। ସଭାପତିଙ୍କ ସହ ସମସ୍ତ କର୍ମକର୍ତ୍ତା ଖେଳ ମଧ୍ୟାନ୍ତରରେ ପଡିଆରେ ଖେଳାଳିମାନଙ୍କ ସହ ପରିଚୟ ଆଦାନପ୍ରଦାନ କରିବା ସହ କରମର୍ଦ୍ଦନ କରି ଉତ୍ସାହିତ କରିଥିଲେ।