ନୟାଗଡ଼ ଜିଲ୍ଲା, ଓଡଗାଁ ବ୍ଲକ ଅନ୍ତର୍ଗତ ନେପାଳ ଗାଁ ରେ ପହଞ୍ଚିଲେ ଜିଲ୍ଲାପାଳ। || ପ୍ରତିବାଦ ଖବର
ନୟାଗଡ଼ ଜିଲ୍ଲା ଓଡ଼ଗାଁ ବ୍ଲକର ଅନ୍ୟତମ ବିଚ୍ଛିନ୍ନାଞ୍ଚଳ ଅନୁସୂଚିତ ଜନଜାତିଙ୍କ ଗାଁ ନେପାଳକୁ ଫିଟିବ ବାଟ। ଆଦୌ ରାସ୍ତା ନଥିବା ଗାଁକୁ ନିର୍ମାଣ ହେବ ପକ୍କା ରାସ୍ତା।ପାଇବେ ଜୀବିକା ଓ ବଞ୍ଚିବ ଜୀବନ। ଖୋଲିବ ନୂତନ ବିଦ୍ୟାଳୟ। ପ୍ରତି ଘରକୁ ହେବ ସୋଲାର ବିଦ୍ୟୁତ୍ ଯୋଗାଣ। ଅନୁସୂଚିତ ଜନଜାତିଙ୍କ ପୂରଣ ହେବ ମୌଳିକ ଆବଶ୍ୟକତା। ଏପରି କେତେ କ’ଣ। ଗୁରୁବାର ସକାଳେ ନୟାଗଡ଼ ଜିଲ୍ଲାପାଳ ଅକ୍ଷୟ ସୁନିଲ ଅଗ୍ରୱାଲଙ୍କ ଅଚାନକ ଗସ୍ତକୁ ନେଇ ପ୍ରଶାସନିକ ଅଧିକାରୀ ମାନେ ଆଶ୍ଚର୍ଯ୍ୟ ଚକିତ ହୋଇ ପଡ଼ିଥିଲେ ଆଦୌ ରାସ୍ତା ନଥିବା ଗାଁକୁ ଜିଲ୍ଲାପାଳ ଗଲେ କିପରିଖବରପାଇ ଓଡ଼ଗାଁବିଡ଼ିଓ ଜିତେନ୍ଦ୍ର କୁମାର ନାଏକ, ତହସିଲଦାର ଡ. ମାନସ ରଞ୍ଜନ ଭୋଇ, ଜିଲ୍ଲା ଅତିରିକ୍ତ ଶିକ୍ଷାଧ୍ଵରୀ ଗିତାଞ୍ଜଳୀ ସାହୁ, ବ୍ଳକ ଗୋଷ୍ଠୀ ଶିକ୍ଷା ଅଧିକାର ପିଣ୍ଟୁ ସାହୁଙ୍କ ସମେତ ଜିଲ୍ଲାର ଅନ୍ୟ ଅଧିକାରୀମାନେ ନେପାଳରେ
ପହଞ୍ଚିଲେ।
ଜିଲ୍ଲାପାଳ ନିଜେ ପ୍ରତି ପରିବାରକୁ ଭେଟି ଟୀକାକରଣ ବିଷୟରେ ପଚାରିବା ସହିତ ସେମାନଙ୍କ ଅନ୍ୟାନ୍ୟ ସମସ୍ୟା ବିଷୟରେ ପଚାରି ବୁଝିଥିଲେ।ଏବଂ ପରେ ପ୍ରସ୍ତୁତ ହେଲା କାର୍ଯ୍ୟସୂଚୀ ନେପାଳ ଗାଁକୁ ବାଣ୍ଠପୁର ପଞ୍ଚାୟତକୁ ସଞ୍ଜୋଗ ପାଇଁ ପ୍ରଧାନମନ୍ତ୍ରୀଙ୍କ ଗ୍ରାମ ସଡ଼କ ଯୋଜନାରେ ରାସ୍ତା ନିର୍ମାଣ ହେଲେ ବିଚ୍ଛିନ୍ନାଞ୍ଚଳ ବାସୀ ବ୍ଳକ ଏବଂ ଜିଲ୍ଲା ତଥା ରାଜ୍ୟର ରାଜଧାନୀ ଭୁବନେଶ୍ଵରକୁ ଯୋଗାଯୋଗ ଗମନାଗମନର ବାଟ ଫିଟିବ। ବିଭିନ୍ନ ଯୋଜନା ମାଧ୍ୟମରେ ଛେଳି ଚାଷ ଏବଂ ଗାଈ ଫାରମିଙ୍ଗ୍ ପାଇଁ ଆର୍ଥିକ ସହାୟତା ପ୍ରଦାନ କରାଯିବ, ଓରିଡା ତରଫରୁ ସୋଲାର ବ୍ୟବସ୍ଥାରେ ପ୍ରତି ଘରକୁ ବିଦ୍ୟୁତ୍ ବଣ୍ଟନ, ନୂଆ ବିଦ୍ୟାଳୟ ପ୍ରତିଷ୍ଠା ପାଇଁ ଖୁବ୍ ଶୀଘ୍ର କାର୍ଯ୍ୟ ଆରମ୍ଭ କରିବାକୁ ଜିଲ୍ଲାପାଳ ନିଷ୍ପତ୍ତି ନେଇଥିଲେ। ତେବେ ନୂତନ ବିଦ୍ୟାଳୟ ଖୋଲିବ। ପୂର୍ବରୁ ସପ୍ତାହରେ ୩ଜଣ ଶିକ୍ଷକ ୨ ଦିନ ଲେଖାଏ ଯାଇ ନେପାଳ ଗାଁର ଶିଶୁ ମାନଙ୍କୁ ପାଠ ପଢ଼ାଇବେ। ସମଗ୍ର ଶିକ୍ଷା ଅଭିଯାନ ତରଫରୁ ଉଲ୍ଲାସ ଯୋଜନା ମାଧ୍ୟମରେ ଚିହ୍ନଟ ହୋଇଥିବା ୫୨ ଜଣ ବୟସ୍କ ମାନଙ୍କୁ ୫ ଜଣ ସ୍ଵେଚ୍ଛାସେବୀ ଶିକ୍ଷକ ପାଠ ପଢ଼ାଇବେ ବୋଲି ସ୍ଥିର ହୋଇଥିଲା । ଜିଲ୍ଲାପାଳ ଆଜି ବୟସ୍କ ମାନଙ୍କୁ ପୁସ୍ତକ ବଣ୍ଟନ କରିଥିଲେ । ସେହି ପରି ଅଙ୍ଗନବାଡି ୱାର୍କର ନିୟମିତ କେନ୍ଦ୍ରକୁ ଆସିବା ପାଇଁ ଏବଂ ନିର୍ମାଣାଧୀନ ଅଙ୍ଗନବାଡି କେନ୍ଦ୍ର ନିର୍ମାଣ କାର୍ଯ୍ୟ ଶେଷ କରିବାକୁ ବିଡ଼ିଓଙ୍କୁ ନିର୍ଦ୍ଦେଶ ଦେଇଥିଲେ। ପ୍ରଧାନମନ୍ତ୍ରୀ ଆବାସ ଯୋଜନା ହି ତ। ଧ୍ଵ ରୀ ଓ ନୂତନ ଆବେଦନ କାରିଗରଙ୍କୁ ଗୁରୁତ୍ଵର ସହିତ ଆବାସ ଯୋଜନା ମାଧ୍ୟମରେ ଗୃହ ଯୋଗାଣ କରିବାକୁ ବିଡ଼ିଓଙ୍କୁ କହିଥିଲେ। ଏବଂ ସ୍ଵତନ୍ତ୍ର ଆଧାର ଶିବିର ମାଧ୍ଯମରେ ସମସ୍ତଙ୍କୁ ତୁରନ୍ତ ଆଧାର କାର୍ଡ ଯୋଗାଇ ଦେବା, ଭିନ୍ନକ୍ଷ ମ ଚିହ୍ନଟ ଓ ସେମାନଙ୍କୁ ଭତ୍ତା ପ୍ରଦାନ କରିବା ସମ୍ପର୍କରେ କାର୍ଯ୍ୟ କରିବାକୁ ବିଭାଗୀୟ ଅଧିକାରୀ ମାନଙ୍କୁ ପରାମର୍ଶ ଦେଇଥିଲେ।